I Hae a Wife o’ My Ain, By: Robert Burns

I Hae a wife of my ain,
I’ll partake wi’ naebody;
I’ll take Cuckold frae nane,
I’ll gie Cuckold to naebody.

I hae a penny to spend,
There—thanks to naebody!
I hae naething to lend,
I’ll borrow frae naebody.

I am naebody’s lord,
I’ll be slave to naebody;
I hae a gude braid sword,
I’ll tak dunts frae naebody.

I’ll be merry and free,
I’ll be sad for naebody;
Naebody cares for me,
I care for naebody.

Read all of Robert Burns's poems · About Robert Burns

Write poetry? Submit your poem to Poetry Catalog