• Skip to main content
  • Skip to secondary menu
  • Skip to primary sidebar
  • Skip to footer

Poetry Catalog

We honor great poets. We honor great poetry.

  • Home
  • About
  • Contact
  • Submit Your Work
  • Writers
  • Advertising / Subscription

Tam Samson’s Elegy, By: Robert Burns

October 19, 2026 by Editors

pc

An honest man’s the noblest work of God—Pope.

Has auld Kilmarnock seen the deil?
Or great Mackinlay thrawn his heel?
Or Robertson again grown weel,
To preach an’ read?
“Na’ waur than a’!” cries ilka chiel,
“Tam Samson’s dead!”

Kilmarnock lang may grunt an’ grane,
An’ sigh, an’ sab, an’ greet her lane,
An’ cleed her bairns, man, wife, an’ wean,
In mourning weed;
To Death she’s dearly pay’d the kane—
Tam Samson’s dead!

The Brethren, o’ the mystic level
May hing their head in woefu’ bevel,
While by their nose the tears will revel,
Like ony bead;
Death’s gien the Lodge an unco devel;
Tam Samson’s dead!

When Winter muffles up his cloak,
And binds the mire like a rock;
When to the loughs the curlers flock,
Wi’ gleesome speed,
Wha will they station at the cock?
Tam Samson’s dead!
When Winter muffles up his cloak,
He was the king o’ a’ the core,
To guard, or draw, or wick a bore,
Or up the rink like Jehu roar,
In time o’ need;
But now he lags on Death’s hog-score—
Tam Samson’s dead!

Now safe the stately sawmont sail,
And trouts bedropp’d wi’ crimson hail,
And eels, weel-ken’d for souple tail,
And geds for greed,
Since, dark in Death’s fish-creel, we wail
Tam Samson’s dead!

Rejoice, ye birring paitricks a’;
Ye cootie muircocks, crousely craw;
Ye maukins, cock your fud fu’ braw
Withouten dread;
Your mortal fae is now awa;
Tam Samson’s dead!

That woefu’ morn be ever mourn’d,
Saw him in shooting graith adorn’d,
While pointers round impatient burn’d,
Frae couples free’d;
But och! he gaed and ne’er return’d!
Tam Samson’s dead!

In vain auld age his body batters,
In vain the gout his ancles fetters,
In vain the burns cam down like waters,
An acre braid!
Now ev’ry auld wife, greetin, clatters
“Tam Samson’s dead!”

Owre mony a weary hag he limpit,
An’ aye the tither shot he thumpit,
Till coward Death behind him jumpit,
Wi’ deadly feid;
Now he proclaims wi’ tout o’ trumpet,
“Tam Samson’s dead!”

When at his heart he felt the dagger,
He reel’d his wonted bottle-swagger,
But yet he drew the mortal trigger,
Wi’ weel-aimed heed;
“Lord, five!” he cry’d, an’ owre did stagger—
Tam Samson’s dead!

Ilk hoary hunter mourn’d a brither;
Ilk sportsman youth bemoan’d a father;
Yon auld gray stane, amang the heather,
Marks out his head;
Whare Burns has wrote, in rhyming blether,
“Tam Samson’s dead!”

There, low he lies, in lasting rest;
Perhaps upon his mould’ring breast
Some spitefu’ muirfowl bigs her nest
To hatch an’ breed:
Alas! nae mair he’ll them molest!
Tam Samson’s dead!

When August winds the heather wave,
And sportsmen wander by yon grave,
Three volleys let his memory crave,
O’ pouther an’ lead,
Till Echo answer frae her cave,
“Tam Samson’s dead!”

Heav’n rest his saul whare’er he be!
Is th’ wish o’ mony mae than me:
He had twa fauts, or maybe three,
Yet what remead?
Ae social, honest man want we:
Tam Samson’s dead!

The Epitaph

Tam Samson’s weel-worn clay here lies
Ye canting zealots, spare him!
If honest worth in Heaven rise,
Ye’ll mend or ye win near him.

Per Contra

Go, Fame, an’ canter like a filly
Thro’ a’ the streets an’ neuks o’ Killie;
Tell ev’ry social honest billie
To cease his grievin’;
For, yet unskaithed by Death’s gleg gullie.
Tam Samson’s leevin’!

Read all of Robert Burns's poems · About Robert Burns

More by Robert Burns

  • Elegy on Captain Matthew Henderson
  • Lament of Mary, Queen of Scots, on the Approach of Spring
  • It Was A' for Our Rightfu' King
  • Charlie, He's My Darling
  • Whistle, and I'll Come to You, My Lad

Write poetry? Submit your poem to Poetry Catalog

Share this:

  • Share on Facebook (Opens in new window) Facebook
  • Share on X (Opens in new window) X
  • Share on Reddit (Opens in new window) Reddit
  • Share on Tumblr (Opens in new window) Tumblr
  • Share on Pinterest (Opens in new window) Pinterest

Related

Filed Under: Poems

Get Every Post In Your Inbox 😳

Enter your email address to subscribe to this blog and receive notifications of new posts by email.
(This is not the newsletter.)

Primary Sidebar

Never Miss A Poem (Newsletter)

Be Social

  • X
  • Facebook
  • Pinterest

Top Posts & Pages

  • Refuge, By: Emily Dickinson
    Refuge, By: Emily Dickinson
  • Hope Is the Thing with Feathers Summary and Analysis
    Hope Is the Thing with Feathers Summary and Analysis
  • Poetry Submission Deadlines November 2026
    Poetry Submission Deadlines November 2026
  • Poetry Submission Deadlines December 2026
    Poetry Submission Deadlines December 2026
  • I Hear America Singing: Summary & Meaning (Whitman)
    I Hear America Singing: Summary & Meaning (Whitman)
  • In The Garden, By: Emily Dickinson
    In The Garden, By: Emily Dickinson
  • The picturesque dreameries, By: Pawel Markiewicz
    The picturesque dreameries, By: Pawel Markiewicz
  • A Poison Tree, By: William Blake
    A Poison Tree, By: William Blake
  • The Belfry of Bruges, By: Henry Wadsworth Longfellow
    The Belfry of Bruges, By: Henry Wadsworth Longfellow
  • Remains, By: Emily Key
    Remains, By: Emily Key

Advertising/Subscribing = Loving

Buy Me A Coffee

Footer

Made with ❤ in Lubbock, TX.

Public Domain Poetry

Poetry Catalog Sponsors

Haiku Examples

Search

Copyright © 2026 · Magazine Pro on Genesis Framework · WordPress · Log in